Заменик директорот на Дирекцијата за заштита на личните податоци, во деновите 15 – 16 мај 2013 година, учествува на Пролетната Конференција на европските органи за заштита на личните податоци. Носечка тема на годинешнава конференција која се одржува во Лисабон, Португалија е Заштита на приватноста – предизвиците кои доаѓаат. Агенда

Заедничкото надзорно тело при Eurojust на 18 април 2013 година го усвои барањето на Дирекцијата за заштита на личните податоци за учество на состаноците на телото со статус на набљудувач.

Земајќи го предвид Договорот за соработка помеѓу Дирекцијата за заштита на личните податоци и Eurojust како и одличните релации во досегашната соработка, одлуката за учество на Дирекцијата на состаноците на Заедничкото надзорно тело при Eurojust е позитивна, а првиот следен состанок на ова тело е закажан на 21 јуни 2013 година во Хаг.

Дирекцијата за заштита на личните податоци, преку свој претставник , учествува на  Конференцијата на органите за заштита на личните податоци од Централна и Источна Европа, која годинава се одржува во Белград, од 10 – 12 април. Повеќе

На 15 – 16 април 2013 година, во Прага, ќе се одржи Конференција на Меѓународна работна група за заштита на личните податоци во телекомуникациите, на која ќе присуствува и делегација на Дирекцијата за заштита на личните податоци.

Од 2 до 4 мај 2012 година во градот Луксембург се одржа годишната Пролетна конференција на органите за заштита на лични податоци.

На истата се дискутираше за новата модернизирана правна рамка на ЕУ за заштита на личните податоци, како новините ќе придонесат за поефикасна заштита на личните податоци и приватноста на граѓаните во дигиталната ера и глобализација, како и какви мерки ќе треба да се преземаат со цел да се подготват овие измени. Преземето го соопштението во целост.

Осумдесет и петтиот состанок на Работната група 29 е редовна средба на ова особено важно тело на Европската Комисија од областа на заштитата на личните податоци која ќе се одржи на 22 и 23 март 2012 година во Брисел. Покрај редовното известување на подгрупите на Работната Група 29, на состанокот се очекуваат дикусии поврзани со Мислења на ова тело кои ќе бидат донесени за прашања во врска со заштита на податоци при препознавање по лик, Cloud computing, биометриски податоци и друго.

Дирекцијата за заштита на личните податоци на 85-та средба на работната Група 29 ќе ја претставува директорот Димитар Ѓеорѓиевски. Средбата со шефовите на органите за заштита на личните податоци од Европа, ќе биде можност директорот лично да ја најави Меѓународната конференција која Дирекцијата ќе ја организира на крајот на мај годинава.

Агенда

Директорот на Дирекцијата за заштита на личните податоци, г-дин Димитар Ѓеорѓиевски ќе учествува на 84-от состанок на Работната Група 29, кој ќе се одржи од 1 до 2 февруари 2012 година во Брисел, Белгија.

На средбата се очекуваат дискусии за правната регулатива за различни аспекти на заштитата на личните податоци, како и продолжување на разговорите за донесувањето на новата легислатива на ЕУ за обезбедување на правото на заштита на личните податоци.

На покана на Секретаријатот на Работната група 29, претставници на Дирекцијата за заштита на личните податоци учествуваа на 83 состанок на Работната група за заштита на лица во однос на автоматската обработка на личните податоци.

На пленарната седница на Работната група 29 и претходеше состанок со г-ѓа Вивиен Рединг, заменик претседател на Европската Комисија. На состанокот на високо ниво, се говореше за промените и модернизацијата на Директивата 95/46/ЕK на Европската Комисија и Советот за заштита на поединците во врска со автоматска обработка на личните податоци.  Г-ѓа Рединг го пренесе ставот на ЕК за промените во Директивата објаснувајќи ги новините кои претстојат, а кој ќе бидат облигаторни за сите земји членки на ЕУ и потенцијалните земји кандидати.

Агенда

Директорот на Дирекцијата за заштита на личните податоци, г-дин Димитар Ѓеорѓиевски учествуваше на Пленарната седница на Консултативниот Комитет на Конвенцијата за заштита на физичките лица во врска со автоматска обработка на личните податоци (T-PD).

Консултативниот Комитет (T-PD) е тело на чии состаноци се креираат новините во регулативата за заштита на личните податоци во Европа.

Делегација на Дирекцијата за заштита на личните податоци во состав г-дин Димитар Ѓеорѓиевски, директор и г-ѓа Елизабета Недановска , раководител на одделение за меѓународна соработка и односи со јавноста, ќе учествува на пленарната седница на Работната Група 29, која ќе се одржи на 7 и 8 декември 2011 година во Брисел.